بسم الله الرحمن الرحيم
موضوعنا النهارده بيتكلم عن طرق تغذيه كلاب الامن والحراسه و ده اول موضوع هنبتدى بيه باذن الله طرق تغذيه الكلاب بتفرق من نوع لنوع و من سن لسن اخر يعنى الكلاب الى جسمها صغير مش بتحتاج لكميات غذاء كبيره زى الى بتحتاجها الكلاب الكبيره فى الجسم ( الضخمه ) يعنى مثلا الكلاب الجريفون افضل اكل ليها الاكل الجاف لانها مش بتحتاج نسبه كبيره من الاكل لان جسمها صغير
المهم موضوعنا انهارده بتكلم عن كلاب الامن و الحراسه الهم الكلاب ضخمه الجسم زى الروت و البلاك جاك و غيرهم لازم علشان الكلب يحتفظ بلياقته و شراسته لازم يكون طريقه التغذيه سليمه بتكون منذ بدايه ولاده الكلب حتى وفاته الكلاب لما بيتولد بتعتمد تغذيته كلها على لبن الام فقط حتى سن شهر ونصف و من سن شهر ونصف بيبتدى الكلب ياكل 3 وجبات فى اليوم حت سن 6 شهور
بياكل الكلب فى وجبه الصباح بيض مسلوق وربع كوب من اللبن يخفف الكوب حتى اخره بالماء و فى الغداء بيأكل هياكل مسلوقه و بيتشال منها الجلد و العضم الكبير و بيطقطع عليها جزر و بعض من الخضروات والعيش و بتدم للكلب بالشربه بتعتها علشان الشربه مفيده لعضم الكلاب و فى العشاء ممكن ياكل الكلب فول ومعاه بيضه مسلوقه يعنى تقريبا زى الفطار و بعد لما يعدى الكلب سن الست (6 ) شهور حتى يبلغ سن السنه بيأكل الكلب و جبتان فى اليوم وهما الفطار و الغداء و بعد سن السنه بيأكل و جبه واحده بس كفايه و هى وجبه الغداء و باذن الله الكلب هيتمتع بجسم صحى و رياضى جيد.......... هذا الموضوع غير منقول